By: Aine Grace Bravo | December 8, 2020

UK — Ginsuguran na sa United Kingdom ang paggamit sang COVID-19 vaccine sang Pfizer.

Si Margaret Keenan, 90, ang labing una nga tawo sa kalibutan nga nakabaton sang amo nga bakuna.

Suno kay Keenan nga magasaulog sang iya ika-91 nga kaadlawan sa masunod nga semana, “best early birthday present” sa iya ang COVID-19 vaccine.

Gin-administer sang Filipino nurse nga si May Parsons ang pagbakuna sa University Hospital sa Coventry. Si Parsons ang 24 ka tuig na nga nagatrabaho sa National Health Service.

Ang UK ang labing una nga pungsod nga naggamit sang Pfizer vaccine matapos ini gin-aprubahan sang mga regulators nga gamiton sang nagligad nga semana. | via BBC/Piers Morgan