By: Aine Grace Bravo | December 8, 2020

CAMP SUMAGAYSAY, Sta. Barbara, Iloilo — May otoridad na si PCOL Gilbert Gorero nga magpatuman sang balasahay matapos nangin full-fledged director sang Iloilo Police Provincial Office.

Suno kay Gorero, naga-obserbar siya sa performance sang mga chiefs of police.

Sa IPPO, ginapatuman, suno kay Gorero, ang programa nga Unit Commander Accomplishment Report Evaluation (U-CARE). Gina-evaluate kada bulan ang performance sang mga hepe.

“Kun karapat-dapat naton islan ang isa ka chief of police dahil wala siya naga-obra, I will not hesitate to do that,” suno kay PCOL Gorero sa interview sang Aksyon Radyo Iloilo.

Ginpahayag ni Gorero nga sa paglibot niya, “everyone [mga chiefs of police] is doing their share.”

FULL-FLEDGED IPPO DIRECTOR

Setyembre subong nga tuig sang ginbutang si Gorero nga OIC sa IPPO matapos ginsaylo sa Camp Crame si anay IPPO Director Colonel Paul Kenneth Lucas.

Nobyembre 12, nabaton niya ang order nga nagadesignar sa iya nga full-fledged director sang IPPO.

“Si Gov. Arthur Defensor, Jr. ang nagpalab-ut sa akon sang iya nga response nga among the recommendees from the national headquarters, ako ang iya nga napili,” suno kay Gorero.

THANKFUL

Nagpasalig si Gorero nga himuon ang tanan agud nga mapabilin ang kalinong kag katawhay sa probinsya.

Nagapasalamat man siya sa pagsalig sa iya ni Gov. Defensor.

Sa subong nga may pandemya, nagpangabay si Gorero sa tanan, lakip na sa mga hepe sa kada police station, nga magsunod sa health protocols agud indi na maglapta ang COVID-19. | via Aksyon Mario Gelongo