Iloilo City — Naka-record ang Department of Health 6 sang mas mataas nga numero sang mga naka-recover sa COVID-19 kahapon, Disyembre 9, kun ikumparar sa bag-o nga mga kaso.

Base sa case bulletin no. 257 nga ginpaguwa sang ahensya, 105 ang nagdugang sa listahan nga nag-ayo rason nga nagsaka na sa 18, 084 ang naka-recover sa rehiyon 6.

May 67 new cases naman nga na-record kun sa diin Negros Occidental ang nagapanguna sa may madamo nga bag-o nga kaso nga may 29, ginsundan sang Iloilo City — 14, Iloilo province –11, Bacolod City — 8, Capiz –4 kag Guimaras nga may isa.

Wala naman sang may na-record nga bag-o nga kaso ang Antique kag Aklan.

Bangud sini, naglab-ut na sa 20, 446 ang na-infect sa Western Visayas.587 ang total death toll sa rehiyon bangud sa isa nga nagdugang.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply