By: Aine Grace Bravo | December 9, 2020

ILOILO CITY — Nalakip ang Western Visayas Medical Center sa 14 ka mga hospital sites nga gin-identify sang Department of Science and Technology (DOST) nga posible mag-enroll sa himuon nga clinical trials sang COVID-19 vaccine sang World Health Organization sa Pilipinas.

Suno ini kay Dr. Nina Gloriani, vaccine panel council chairperson sang DOST kag miembro man sang scientific steering committee sang WHO.

Magluwas sa WVMC, lakip man sa posible nga mangin hospital sites ang Philippine Gen. Hospital, Research Institute for Tropical Medicine, Manila Doctor’s Hospital, San Lazaro Hospital, St. Luke’s Medical Center sa Quezon City, St. Luke’s Medical Center sa Bonifacio Global City, Lung Center of the Philippines, The Medical City, Makati Medical Center, De La Salle Medical Center sa Cavite, Vicente Sotto Memorial Medical Center sa Cebu City, Southern Philippines Medical Center sa Davao City, kag Baguio General Hospital and Medical Center.

Ginpahayag man ni Gloriani nga posible umpisahan ang solidarity trial sa Enero 2021. | via GMA