By: Aine Grace Bravo | December 10, 2020

ILOILO CITY — Naka-record sang 130 ka bag-o nga naka-recover sa COVID-19 sa Western Visayas.

Base ini sa Case Bulletin No. 258 sang Department of Health (DOH) 6 subong nga adlaw, Disyembre 10.

Gin-anunsyar man sang DOH 6 ang 76 ka new cases kag apat ka nadugang sa napatay.

Na-record ang bag-o nga mga kaso sa Negros Occidental nga may 28, Iloilo City -15, Iloilo Province -13, Bacolod City -9, Capiz -7, Aklan -3 kag Guimaras -1.

Sa kabug-usan, nagalab-ut na sa 20,522 ang total cases sa rehiyon –18,214 diri ang nag-ayo na kag 587 ang napatay. | via DOH 6