ILOILO CITY — Nadugangan sang 162 ka bag-o nga recoveries sa COVID-19 ang Western Visayas subong nga adlaw, Disyembre 11.

Sa bag-o nga naka-recover, 100 halin sa Negros Occidental; 27 sa Bacolod City; 15 sa Iloilo province; 14 sa Iloilo City; apat sa Aklan; kag duha sa Capiz.

Base sa case bulletin No. 259 sang Department of Health 6, nadugangan man sang 82 ka new cases kag tatlo ka bag-o nga nagkalamatay ang rehiyon.

Sa bag-o nga kaso, 30 halin sa Negros Occidental; 29 sa Iloilo City; 13 sa Bacolod City; anum sa Iloilo province; tatlo sa Capiz; kag isa ka new case sa Guimaras.

Wala sang bag-o nga kaso sa Antique kag Aklan.Sa new cases, 59 ang local ukon wala sang travel history sa guwa sang rehiyon, 15 ang locally stranded individuals ukon LSIs kag walo ang returning overseas Filipinos ukon ROFs.

Sa kabug-usan ang Western Visayas may 20,601 na ka kaso lakip ang 1,629 ka active cases, 18,374 ka total recoveries kag 594 ka total deaths bangud sa COVID-19.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply