Iloilo — Patay ang 61-anyos nga amay sang ginlampusan sang martilyo sang iya bata sa Barangay Barasan, Pototan kagab-i, Disyembre 11.

Suno kay Police Staff Sergeant Raffy Gonzales, imbestigador sang Pototan Police Station, ginsulod sa kwarto sang 34-anyos nga bata ang iya amay nga nagakatulog kag ginlumpusan.

Sa imbestigasyon sang Pototan Police, wala man sang may gin-awayan ang mag-amay antes natabo ang insidente.

December 11, sang ginbisita ni alyas Toto ang iya amay sa Pototan kag sang gab-i natabo ang insidente suno kay Gonzales.

Si Toto ang nagatenir sa Taft North, Mandurriao.

Sa panaysayon ni Toto kay Gonzales ginsudlan siya sang malain nga “espiritu” rason nga nalampusan niya ang iya amay.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply