Iloilo City – Na-establisar sang Crime Lab 6 nga pusil nga gin-issue kay Police Corporal Val Allan Lisay ang pusil nga gingamit sa pagpatay sa Chinese national sa Iznart Street, City Proper sang Nobyembre 12.

Suno kay Col. Enrique Ancheta, chief sang Crime Lab 6, gin-check sa Integrated Ballistics Identification System ang fired cartridge sang 9 mm nga na-recover sa crime scene.

Nakita sa IBIS nga ang serial number sang pusil sa diin naghalin ang na-recover nga fired cartridge ang ginapanag-iyahan ni Lisay.

Dugang diri, gin-cross match man ang na-recover nga fired cartridge nga gingamit sa krimen kag ang fired cartridge halin sa pusil ni Lisay sang gin-test fire sa Crime Lab 6.Nagpositibo man ang resulta.

Suno naman kay PLTCol. Joem Malong, restricted sa Kampo Delgado Lisay samtang nagapadayon ang imbestigasyon sang Regional Investigation and Detective Management Division.Miembro sang PRO6 band si Lisay apang gin-relieve pakadto sa Regional Personnel Holding and Accounting Unit. | via Firingline

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply