By: Aine Grace Bravo | December 14, 2020

ILOILO CITY — Mas manubo nga kaso sang COVID-19 ang gin-report sang Department of Health 6 sa Western Visayas kahapon, Disyembre 13.

Base sa Case Bulletin No. 261 sang Department of Health (DOH) 6, 19 lang ka bag-o nga kaso ang nadugang sa rehiyon.

Sa amo nga kaso, 16 ang local cases ukon wala sang travel history sa guwa sang Rehiyon 6, duha ka locally stranded individuals (LSIs) kag isa ka authorized person outside residence (APOR).

Sa bag-o nga kaso, anum halin sa Iloilo province; apat sa Bacolod City; tatlo sa Iloilo City; tag-duha sa Negros Occidental kag Guimaras; kag tag-isa sa Aklan kag Capiz. Wala naman sang bag-o nga kaso sa Antique.        

Samtang, 85 ang nadugang sa mga naka-recover kag kag wala sang bag-o nga napatay.

Bangud sini, 20,686 na ang kabug-usan nga kaso sa Rehiyon 6 –1,591 ang active cases; 18,495 ang total recoveries kag 596 ang total deaths bangud sa COVID-19. | via DOH 6