By: Aine Grace Bravo | December 14, 2020

METRO MANILA – Padayon nga nagadamo ang mga naka-recover sa COVID-19 sa Pilipinas.

Base sa Case Bulletin No. 274 sang Department of Health, 9,269 ka bag-o nga nag-ayo sa COVID-19 ang nadugang sa pungsod kahapon, Disyembre 13.

Gin-report man sang DOH ang 1,085 ka bag-o nga kaso kag tatlo ka bag-o nga nagkalamatay.

Nagpanguna sa may pinakamadamo nga bag-o nga kaso ang Quezon City – 103; Rizal – 46; Makati City – 44; Manila City – 43; kag Pasig City – 39 new cases.

Bangud sini, 449,400 na ang kabug-usan nga kaso sa pungsod lakip ang 21,980 ka active cases, 418,687 ka total recoveries kag 8,733 ka total deaths bangud sa COVID-19. | via DOH