By: Jocelyn Maque | December 14, 2020

Negros Occidental — Nagpositibo sa random drug test ang pulis sa Negros Occidental Police Provincial Office.Suno kay Col. Enrique Ancheta, hepe sang Crime Laboratory 6, Disyembre 8 sang nag-conduct sila sang random drug test sa 5 ka mga pulis sa NOPPO.

Isa sa mga gin-subject sa random drug test ang nagpositibo base sa preliminary result.

Agud makasigurado, ginpadala sa PDEA7 ang iya specimen para sa confirmatory test kag positibo gihapon ang resulta.

Wala sang available equipment ang Crime Lab 6 kag sa initial information, guba man ang equipment sang PDEA6 para sa confirmatory testing rason sa PDEA7 ini ginpadala.

Nagpamalibad anay si Col. Ancheta sa paghingalan sa natungdan nga pulis bangud mahimo pa niya ma-challenge ang resulta.Kun i-challenge niya ang resulta, ang iya specimen nga gingamit sa una nga mga tests ang dapat gamiton.Lalaki ang natungdan nga pulis kag may rangko Corporal.

Suno kay Lt. Col. Joem Malong, Spokesperson sang PRO6, na-assign sa Candoni Police Station ang natungdan nga pulis.

Nagpamalibad man si Malong sa paghingalan sa natungdan nga pulis samtang mahimo pa niya ma-contest ang resulta.

Gin-relieve ang nagpositibo sa drug test nga pulis pakadto sa Personnel Holding and Accounting Unit.

Nagpakig-angut man ang Aksyon Radyo Iloilo sa NOPPO kay suno kay Lt. Abegael Donasco, deputy spokesperson, nagahulat pa sila sang coordination halin sa Crime Lab 6 as of 1:00 P.M.

Kun makakuha na sang kumpirmasyon, laban nga pasakaan sang kaso ang natungdan nga pulis suno kay Donasco.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply