By: Aine Grace Bravo | December 16, 2020

TIGBAUAN, Iloilo – Nagpositibo sa COVID-19 ang opisyal sang Iloilo Electric Cooperative, Inc. (ILECO) 1 nga na-assign sa Sta. Barbara area.

Suno kay ILECO 1 Gen. Manager Mike Paguntalan, nagpa-swab ang 58-anyos nga lalaki nga opisyal nila bangud may sintomas sang COVID-19 kasubong sang pag-ubo kag hilanat.

Sang Disyembre 14, naguwa ang resulta nga nagpositibo siya sa COVID-19.

Gin-admit sa ospital ang nagpositibo bangud may sintomas pa nga nabatyagan kag may existing man nga mga balatian.

Temporaryo nga gin-lockdown ang ILECO 1 office sa Sta Barbara para sa disinfection.

Natalana man i-swab ang siyam ka personnel nga yara sa opisina sa Sta. Barbara.

Gin-swab na ang ginabanta 20 ka personnel sang ILECO 1 sa Tigbauan bangud nakakadto diri ang nagpositibo nga opisyal sang Disyembre 7.

Mahimo naman makakadto sa opisina sang ILECO 1 sa Pavia ang mga konsumidor sa Sta. Barbara. | via Aljohn Torreta