By: Aine Grace Bravo | December 16, 2020

ILOILO CITY — Nakaguwa sa prisuhan paagi sa plea bargaining sang 2018 sa kaso may kaangtanan sa illegal drugs si Elizer Galon, 31-anyos sang Tanza Esperanza, City Proper, nga ginpatay sang riding-in-tandem sa MV Hechanova, Jaro kahapon sang aga, Disyembre 15.

Ginkumpirmar ini ni Tanza Esperanza, City Proper Punong Barangay Wilbur Orada.

Ginpahayag man sang punong barangay nga wala nalakip si Galon sa ila BADAC report.

Suno kay PSSg Romanico Baron, imbestigador sang Jaro Police Station, dead-on-arrival sa ospital si Galon nga may igo sang pagkatiro sa ulo.

May ginbakal nga spare parts sang motorsiklo ang biktima sang gintiro sang mga suspetsado.

Na-recover sa crime scene ang tatlo ka basiyo sang 45 caliber kag duha ka deformed slug. | via BBB

Leave a Reply