By: Aine Grace Bravo | December 16, 2020

ILOILO CITY — Gin-inagurahan kahapon, December 15, ang West Visayas State University Medical Center Molecular Diagnostic Laboratory, ang ika-lima nga COVID-19 laboratory sa siyudad sang Iloilo.

Suno kay Dr. Aretha Ann Liwag, head sang Quality Assurance Office sang WVSUMC-MDL, posible maka-akomodar ang laboratory sang 200 ka mga samples kada adlaw kag sa sulod sang 24-oras makuha ang resulta.

Dugang pa ni Dr. Liwag, nakatapos na sila himo sang proficiency test kag ginahulat na lang ang License to Operate (LTO) nga ginalauman maabot subong nga semana agud makasugod na sila baton sang samples.

Gin-athag man ni Dr. Liwag nga may yara naman sang PCR machine ang WVSUMC-MDL nga standard sa tanan nga COVID-19 laboratories sa pungsod.

Nagpaidalom naman sa nagkalain-lain nga trainings ang mga medical technologists sang bag-o nga lab kaangay sang biosafety training, proficiency training in handling laboratoy equipment kag laboratory techniques agud masigurado nga indi man sila matapikan sang balatian kag dekalidad nga serbisyo ang ila mahatag, dugang pa ni Dr. Liwag. | via El John Mejia

Leave a Reply