Bag-o nga patrol car sang Tubungan MPS, nalukpan sang IED; hepe nga sakay, nagpanalakit ang lawas

By: Aine Grace Bravo/Angel Mae Ciudad | December 17, 2020

TUBUNGAN, Iloilo — Wasak ang windshield sang bag-o nga Hilux patrol car sang Tubungan Police Station matapos naglupok ang improvised explosive device (IED) sa boundary sang Barangay Balicua kag Barangay Ingay, Tubungan.

Suno kay Police Lt. Jose Rommel Samson, hepe sang Tubungan Poice Station, halin sila sa Guimbal kag papuli na sa ila station sang naglupok ang IED sa ila paglabay subong nga hapon, Disyembre 17.

Lima ka pulis ang sakay sang patrol car, lakip na si Samson. Nagapungko sa front seat si Samson, upod sa driver nga si PSSg Wendel Ebro.

Nagapungko naman sa likod sang patrol car sanday PSSg Orlando Paminsaran; PSSg Jasper Bryan Bastonero; kag PMS Felix Tabago.

Nagreklamo sang pagpalamungol ang mga pulis, samtang napaso sang shrapnel si PLT Samson.

Nagapati si Samson nga mga miembro sang NPA ang nagpalupok sang IED| via Francisco “Kikik” Enar