By: Aine Grace Bravo | December 17, 2020

ILOILO CITY — Naka-record sang 371 ka bag-o nga naka-recover sa COVID-19 sa Western Visayas ang Department of Health 6, base sa Case Bulletin No. 265 subong nga adlaw, Disyembre 17.

Nagdala ini sang total recoveries sa 19,075.

Gin-anunsyar man sang DOH 6 ang 94 ka bag-o nga mga kaso, pinakamadamo ang naghalin sa Negros Occidental nga may 43.

Na-record man ang new cases sa Iloilo Province -22, Iloilo City -13, Capiz -11, Bacolod City -4 kag Antique nga may isa (1).

Tatlo (3) ang nadugang sa mga napatay, nga nagdala sang total deaths sa 615.

Sa kabug-usan, nagalab-ut na sa 20,947 ang COVID-19 cases sa Western Visayas, pero 1,252 na lang ang active cases. | via DOH 6