Part-owner sang Roberto’s nga si Vicente ‘Claude’ Yap, napatay sa edad nga 71
Iloilo City — Napatay ang part-owner sang Roberto’s nga si Vicente “Claude” Yap alyas Daku, sang Disyembre 15 sang gab-i.
Ginkumpirmar sang pamilya Yap nga napatay si Claude sa edad nga 71 pero wala na ginpahibalo kun ano ang iya balatian.
Sa nakuha nga impormasyon sang Aksyon Radyo Iloilo, napatay si Yap sa Iloilo Doctor’s Hospital pasado las 7 sang gab-i, Disyembre 15.
Gindala ang iya bangkay sa Gegato-Abecia Funeral Homes, ginmisahan kag may final viewing para sa pamilya kag iya mga abyan antes gin-cremate las 5:30 sang hapon, Disyembre 16 kag natapos las 7:30 sang gab-i.
Si Yap ang masami nga makita nga nagapungko sa cash register sang restaurant kag naga-abe abe sa mga customers.
Siya ang subang sa napulo ka mag-ulutod.
Siya ang ginakabig nga “Queen of Siopao” sang Iloilo.
Ang Roberto’s sa nahibaluan ang dinekada na nga naga-operate sa siyudad sang Iloilo kag kilala sa ila Queen and King siopao, meatballs, bihon kag sotanghon guisado kag iban pa nga Ilonggo dishes.
