Butanding, nagsulod sa tangaban sa Sto. Niño Sur, Arevalo; patay na sang ginpahigad
By: Aine Grace Bravo | December 18, 2020
ILOILO CITY — Patay na sang nasapwan ang butanding ukon whale shark sa baybayon sang Sto. Niño Sur, Arevalo kaina sang aga, Disyembre 18.
Suno kay Romeo nga isa sa mga residente sa lugar, nagsulod sa tangaban ang butanding. Posible, suno kay Romeo, nga nalumos ang butanding bangud wala na nakaguwa sa tangaban.
Ginguyod pahigad sang mga residente ang butanding kag gintawgan na lang sang mga barangay officials ang taga-Bureau of Fisheries and Aquatic Resources kun ano ang himuon. | via Aksyon Hotline