113 new recoveries sa COVID-19, nadugang sa Western Visayas; Total cases, masobra na 21,000
ILOILO CITY – Nadugangan sang 113 ka bag-o nga recoveries sa COVID-19 ang Western Visayas kahapon, Disyembre 18.
Gin-report man sang Department of Health 6, ang 58 ka bag-o nga kaso kag duha ka bag-o nga nagkalamatay.
Base sa case bulletin No. 266 sang DOH 6, nagpanguna sa may pinakamadamo nga new cases ang Negros Occidental – 27; Iloilo province – 13; Iloilo City – pito; Guimaras – lima; Aklan – apat; kag tag-isa sa Bacolod City kag Capiz.
Wala sang bag-o nga kaso sa Antique. Bangud sini, nagsaka sa 21,014 ang kabug-usan nga kaso lakip ang 1,204 ka active cases, 19,188 ka total recoveries kag 617 ka total deaths bangud sa COVID-19.
