By: Aine Grace Bravo | December 23, 2020

ILOILO — Makabaton sang tag-P10,000 nga service recognition incentive ang tanan nga empleyado sa Iloilo provincial capitol, lakip man ang provincial kag district hospital workers.

Kasunod ini sang pag-aprubar ni Iloilo Governor Arthur Defensor Jr. sa Appropriation Ordinance number 2020-07 nga ginpasar sang Sangguniang Panlalawigan kahapon, Disyembre 22.

Nalakip sa ordinansa ang supplemental budget nga P29 million para sa service recognition incentive (SRI) para sa mga eligible employees sang Kapitolyo.

Base man ini sa Administrative Order number 37 nga gin-issue ni Presidente Rodrigo Duterte.

Ang nasambit nga benepisyo, dugang sa collective negotiation incentive, productivity enhancement incentive, year-end bonus kag cash gift nga nahatag na sa mga empleyado. | via Balita Halin sa Kapitolyo