Iloilo City — Ginkumpirmar ni Task Force on Anti-Squatting and Illegal Structures Unit (ASISU) head Love Joy Hosenilla nga napasa na nila sa Department of the Interior and Local Government ang report sa road clearing sa 180 ka barangays sa syudad sang Iloilo.

Suno kay Hosenilla, December 22 na nila napasa ang report sa DILG bangud wala nila gilayon matapos operate sa road clearing ang 180 barangays.

Nakabutang sa report nga ginpasa sang ASISU sa DILG, ang numero sang mga salakyan nga naga-obstruct sa dalanon sa barangay, mga illegal structure kag iban pa.

Sa Enero 18 tubtob 22, 2021, maga-conduct sang validation sa road clearing.Pagalakipan sang personnel sang DILG, PNP, BFP, ASISU, kag PSTMO ang validation.

Sa adlaw man sang validation, mahibaluan ang score nga nakuha sang mga barangay sa gin-conduct nga road clearing.

Gin-ako man ni Hosenilla nga may mga barangay ukon lugar nga may nagabalik sa gihapon nga obstruction sa dalan.

Ginpahibalo man ni Hosenilla nga magluwas sa ila, nagapasa man sang ila kaugalingon nga report ang mga barangay officials sa DILG.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply