By: Aine Grace Bravo | December 24, 2020

ILOILO CITY — Nagnubo na sa 837 ang active cases sang COVID-19 sa Western Visayas base sa Case Bulletin No. 272 sang Department of Health 6.

May 45 ka bag-o nga kaso sang COVID-19 nga nagdugang subong nga adlaw, Disyembre 24, gani nagalab-ut na sa 21,285 ang total cases sa rehiyon.

Negros Occidental ang nagapanguna sa may pinakamadamo nga new cases nga may 14, ginasundan sang Iloilo City -13, Iloilo province -7, Aklan -7 kag Bacolod City – 4. Wala sang na-record sa iban pa nga probinsya sa Western Visayas.

Nadugangan naman sang 56 ang naka-recover. Bangud sini, 19, 812 na ang nag-ayo sa COVID-19.

Wala sang may nagdugang sa mga napatay. | via DOH 6