Guimbal District Hospital, gin-lockdown matapos nagpositibo sa COVID-19 ang 15 personnel

By: Aine Grace Bravo | December 24, 2020

GUIMBAL, Iloilo – Gin-lockdown ang Rep. Pedro Trono Memorial District Hospital sa Guimbal sugod subong nga adlaw, Disyembre 24.

Ginkumpirmar ini ni Dr. Jay Dorin, Municipal Health Officer sang Guimbal, kasunod sang pagpositibo sa COVID-19 sang pila ka personnel sang ospital.

Sa inisyal nga report sang hospital head, suno kay Dr. Dorin, 15 ka personnel sang ospital ang na-infect sang virus.

Sa Facebook post ni Guimbal Vice Mayor Jennifer Garin Colada, ginpabutyag niya nga kalabanan sa mga nagpositibo ang residente sang poblacion. Naka-hospital quarantine ang mga nagpositibo, suno pa sa bise alkalde. –via Aljohn Torreta/Vice Mayor Jennifer Garin Colada