TAGUIG CITY – Patay na sang nasapwan ang mag-utod nga tatlo ka tuig nga bata nga babaye kag isa ka tuig nga bata nga lalaki sa ila balay sa North Signal, Taguig City mga las-7:30 kaina sang aga, Disyembre 25.

Suno kay PCOL Celso Rodriguez, nag-surrender sa Signal Village Police Sub-station 6 si alyas Ike, 29-anyos, wala sang trabaho, kag ginsugid ang iya ginhimo sa iya kabataan.

Ginpadulungan sang mga pulis ang balay ni Ike kag nakita ang duha ka bata nga patay na.

Base sa inisyal nga imbestigasyon sang police, una na nga nagpanginmatay ang asawa ni Ike nga call center agent kahapon, Disyembre 24.

Posible suno kay PCOL Rodriguez nga nagapalibog si Ike kun paano mabuhi ang iya duha ka bata gani nga ginbitay niya.

Suno sa lalaki, nagbitay man siya pero nabugto ang higut gani “nakaluwas” siya.”Kagabi natagpuan din siyang (ina ng mga bata) nagbigti, nadiscover ‘yan… noong nagbigti nga siya, imbes na maglamay ‘yung padre de pamilya eh kanina siguro gulong-gulo siya kasi sabi niya hindi niya malaman na kung paano bubuhayin ‘yung dalawa,” suno kay Rodriguez.

Ginpahayag ni Rodriguez nga base sa ila pagpangusisa, masami nga naga-away ang mag-asawa bangud wala sang trabaho si Ike kag ang iya lang nga asawa ang nagabuhi sa ila.

“Nade-depress na daw sila talagang magasawa, silang magasawa daw talaga… Ang sabi daw ng asawa niya sa kanya, parang sinisisi siya lagi bakit ayaw mong maghanap ng trabaho, parang ganon,” ang dugang nga pahayag ni Rodriguez.

Nagapangatubang si Ike sang kaso nga parricide. –via DZRH/with additional information from GMA News

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply