ILOILO – Patay ang mag-utod sang nalumos sa suba sa Barangay Calicuang, Dingle mga las-11:20 kaina sang aga, Disyembre 25.

Ginkilala ni Police Staff Sergeant Leo Ron Anerdis sang Dingle Police Station ang mag-utod kanday Mike Glen Pelingon, 10-anyos, kag Jorex Pelingon, 9-anyos, nga residente sang nasambit nga lugar.

Suno kay Anerdis, nagsunod ang mag-utod sa ila amay nga si Mike nga nag-washing sang iya motorsiklo sa suba.

Samtang naga-washing sang motorsiklo ang amay, nagpaligo naman sa unhan ang mag-utod. Pero sang ginbalikid na sang amay, wala na ang iya kabataan.

Gilayon niya nga ginlangoy kag ginsubay ang porsyon sang suba sa diin nagpaligo ang duha ka bata kag nasapwan niya nga nagakup-anay sa madalom nga porsyon.

Ginhingagaw pa niya dala sa ospital ang duha pero gindeklarar nga napatay.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply