ILOILO — Generally peaceful ang selebrasyon sang Paskwa sa probinsiya sang Iloilo.

Suno kay Iloilo Police Provincial Office (IPPO) Director Police Colonel Gilbert Gorero, daku ang ginlain sang subong nga tuig nga selebrasyon kumparar sang nagliligad nga tuig bangud sa COVID-19 pandemic.

Sa pihak sini, madamo gihapon ang nagsimba sa iban nga banwa base sa obserbasyon ni Gorero.

Istrikto man nga ginapatuman ang pag-obserbar sang minimum health standards pareho sang pagsuksok sang face mask kag face shield kag pag-obserbar sa physical distancing.

Gin-ako niya nga daku nga pagpanghangkat sa ila ang pagpatuman sini.

Ginakahangaw-an niya nga kun indi ini mapatuman, posible magdamo ang kaso sang COVID-19 sa probinsiya.

Wala naman sang dalagku nga insidente nga nagluntad sa probinsiya magluwas lang sa sa vehicular accidents nga nagluntad sa pila ka mga banwa.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply