FLORIDA, USA – Isa sa mga nabakunahan na sang Pfizer/BioNTech COVID-19 vaccine sa Estados Unidos ang Ilongga nurse nga si Mrs. Francisca Ramirez.

Sa interview sang Aksyon Radyo Iloilo, ginkumpirmar ni Ramirez nga nagpabakuna siya sang Disyembre 22.

Ginsaysay ni Ramirez nga pagkatapos siya nga ginbakunahan, gin-obserbahan pa siya sang 15 minutos antes ginpasugtan nga makapauli.Gin-ako ni Ramirez nga ginpaminsar niya sang maayo antes nagdesisyon nga magpabakuna bangud nga voluntary man ini.

“Gin-isip ko gid dugay kun mapabakuna ako ukon indi. Kay ti siempre, naisip [ko] nga mahadlok kun ano ang mga risk after sang vaccination. But I just thought, “I think I need it to protect myself, and protect sang mga pasyente namon,”” suno kay Ramirez.

Padayon nga gina-monitor ang epekto sang bakuna, pero ginpabutyag ni Ramirez nga wala siya sang malain nga nabatyagan.

Natalana sa masunod nga bulan ang ikaduha nga dose kay Ramirez.

Prayoridad sa mass vaccination sa US ang mga health care workers.

Si Ramirez ang tumandok sang Sta. Barbara, Iloilo kag 20 ka tuig na nga nagatrabaho sa ospital sa Miami, Florida. –via Aksyon Junjun Sornito

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply