By: Aine Grace Bravo | December 29, 2020

GUIMBAL, Iloilo – 28 na ang na-record nga nagpositibo sa COVID-19 sa Rep. Pedro G. Trono Memorial District Hospital.

Suno kay Dr. Cynthia Cabangal-Ng, head sang Provincial Hospital Management Office, may nagdugang nga 13 ka nagpositibo kasunod sang ginhimo nga RT PCR test sang Disyembre 27.

Dugang nga na-infect ang duha ka doktor, 19 ka nurses, duha ka nursing attendants kag tatlo ka institutional workers ukon utility workers.

Ginpahayag ni Dr. Cabangal-Ng nga yara sa dormitoryo ukon sa ospital ang mga nagpositibo  kag mildly asymptomatic sila. Estable naman suno sa iya ang mga pasyente nga nagpositibo sa COVID-19.

Disyembre 24 sang nagsugod ang lockdown sa ospital nga magatakup sa Enero 3, 2021. –via BBB