ILOILO CITY – Desidido gid nga ipa-preso sang electrician sang More Electric and Power Corporation ang barangay kagawad sang Tabuc Suba, La Paz nga ginreklamo niya nagsumbag sa iya.

Nagpadulong si Jomar Enog, 36, sang Bolilao, Mandurriao sa balay nga gina-istaran ni Barangay Kagawad Ceasar Boniba agud mag-reconnect sa linya sang kuryente nga ila gin-utod kahapon, Disyembre 28.

Nakapangalan kay Jowell Dumalay ang kuntador sang kuryente. Gin-utdan sang kuryente ang balay bangud wala nakabayad sang ila nakonsumo nga kuryente.

Ginbayaran na ini kaina, Disyembre 29 rason nga i-reconnect na sang taga-More.

Ginpahayag ni Enog nga nagpangakig ang kagawad bangud wala nag-respeto sa iya kag gulpi lang siya nga ginsumbag sang makaduha ka beses kag naigo siya sa dulunggan.

Ginkuhaan sang Aksyon Radyo Iloilo news team sang pahayag si Boniba pero nagbalibad siya nga maghatag.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply