By: Aine Grace Bravo | December 30, 2020

METRO MANILA –Temporaryo nga gindumilian sang gobyerno ang pagsulod sang mga pasahero halin sa mga pungsod nga may reported cases sang bag-o nga COVID-19 variant.

Ginkumpirmar ni Health Secretary Francisco Duque III nga gin-aprubahan ni Presidente Rodrigo Duterte ang ila rekomendasyon nga magpatuman sang travel ban sa 20 ka mga pungsod nga may COVID-19 variant nga una natukiban sa United Kingdom.Suno sa tiglikum, sugod las 12:01 kaina sang kaagahon, Disyembre 30 kag magalawig tubtob Enero 15, 2021.

Indi pwede makasulod sa Pilipinas ang mga pasahero halin sa UK, Switzerland, Denmark, Hong Kong, Ireland, Singapore, Japan, Germany, Australia, Iceland, South Africa, Italy, Israel, Spain, the Netherlands, Lebanon, Canada, Sweden, France kag South Korea.

Pasugtan naman ang pagpauli sang mga Overseas Filipino Workers (OFWs) halin sa nasambit nga mga pungsod nga nakahalin na sa ila country of origin, pero ipaidalum sila sa istrikto nga 14-day quarantine. –via Office of the Presidential Spokesperson

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.