By: Aine Grace Bravo | December 30, 2020

ILOILO CITY –Nadakpan sa entrapment operation ang call center agent nga lalaki matapos ginreklamo sang babaye nga iya nakilala sa Tiktok sang pagpamahog nga ipalapta ang nude videos kun indi sila magkitaay.

Base sa alegasyon ni Roming, 30, nagbayluhanay sila ni Alyas Nene, 18, sang contact number kag may communication sila sugod nga nagkilalahay sa Tiktok.

Sang Mayo 2020 pa nagkilalahay ang duha kag kahapon, Disyembre 29, kuntani ang ila una nga pagkitaay.

Ginpasuni ni Roming nga may nakuha siya nga nude videos ni Nene sa Tiktok. Pero nag-ayu si Nene nga panason ang video kag nagpasugot man si Roming kabaylo sang ila pagkitaay.

Ginpahayag ni Roming nga si Nene man ang nag-suhestyun nga sa lodging house sila sa La Paz makitaay, sa diin siya gindakop sa ang lalaki entrapment operation.

Preso sa La Paz Police Station si Roming kag desidido nga atubangon ang ipasaka nga kaso batuk sa iya.

Ginatinguhaan naman sang Aksyon Radyo Iloilo nga makuhaan sang pahayag ang babaye nga tagreklamo. –via Dave Bucayan