By: Aine Grace Bravo | December 30, 2020

IGBARAS, Iloilo – Pagpangimon ang ginasundan nga anggulo sang Igbaras police sa pagpatay sa 20-anyos nga lalaki nga nagpamalaye sa Barangay Catiringan sa amo nga banwa sang Disyembre 28 sang gab-i.

Ginkilala ang biktima kay Reymart Yosuya nga may pilas sang pagkabuno sa dughan kag dead-on-arrival sa ospital.

Preso naman ang suspek nga si Rolly Gorero, 38-anyos sang Hamtic, Antique kag caretaker sang manokan.

Sa imbestigasyon ni Police Chief Master Sergeant Jose Remos Cabag sang Igbaras Police Station, luyag ni Gorero nga makilala ang biktima nga palamanhon sang babaye nga iya naluyagan.

Pero suno sa testigo, nakibot sila sang nagpamalaye na si Yosuya kag gulpi nga ginbuno ni Gorero ang biktima.

Natukiban man nga mas malapit ang suspek sa bata kag ginikanan sang babaye kag may ginpasagud na nga tatlo ka baboy si Gorero sa ginikanan.

Pero ginpabutyag sang babaye nga wala man nagapangaluyag sa iya ang suspek. –via Francisco Enar