Iloilo City — Magahimo sang motu propio investigation ang Commission on Human Rights 6 nga nagresulta sa kamatayon sang siyam ka mga indibiwal nga ginpahayag nagbato sa police operation sa Tapaz, Capiz kahapon, Disyembre 30.

Suno kay CHR 6 Director Atty. Jonnie Dabuco, obligasyon nila nga mag-conduct sang ila imbestigasyon para mahibaluan kun ano ang matuod nga natabo sa pagserbe sang search warrants ang 28 ka mga indibidwal nga nagresulta sa kamatayon sang siyam.

Gin-athag naman ni Dabuco nga wala nila ginakwestyun ang operation sang military kag pulis kundi luyag lang nila mahibaluan ang matuod nga natabo.

Ini bangud may mga alegasyon suno sa iya ang pamilya sang mga napatay nga planted ang mga ebidensya kag wala nagbato ang mga napatay.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply