Mga pribado nga kompaniya nga mabakal sang COVID-19 vaccines, required nga i-donate sa gobyerno ang ila ginbakal

Gina-require sang National Inter-Agency Task Force ang mga pribado nga kompaniya nga mabakal sang COVID-19 vaccines nga i-donate ang katunga sang ila ginbakal sa gobyerno.

Suno kay Iloilo City Mayor Jerry Treñas, sa pagbakal sang mga pribado nga kompaniya, kinahanglan sang tripartite agreement sa tunga sang IATF, vaccine company kag private company.

Ginpahayag sang alkalde nga sa 2021, posible matapos ang pag-vaccine sa siyudad.

Apang depende pa ini kun magpasugot ang mga doktor sang siyudad sa paggamit sang vaccines halin sa China kag Russia nga mangin available sa first quarter.

Sa third quarter naman sang 2021 mangin available ang Pfizer vaccine.