Iloilo– Nakibot ang pamilya Lapides sang may naglapos nga stray bullet sa atop sang ila balay sa Brgy. Carigangan, Janiuay ginabanta las 12 sang tungang gab-i.

Suno kay Samuel Lapides, tag-iya sang balay, samtang naga tipon-tipon sila sa sala sang ila balay kag nagalantaw sang fireworks, gulpi lang may naglusot nga bala sa ila atop kag nagdiretso sa salog.

Ginpahayag ni Lapides nga maswerte lang nga wala sang may naigo sa myembro sang iya nga pamilya.

Gina-imbistigaran naman sang pulis ang insidente. Dapat manabat ang nagpalupok suno kay Lapides kun ma-identify.

Wala ideya si Lapides kun diin naghalin ang bala.Suno naman kay PCapt Eleazar Climacosa, hepe sang Janiuay MPS, las 8:55 na sang aga sang gin-report sa ila ang natabo.

Gina-imbistigaran naman sang pulis kun sin-o ang nagpalaupok sa lugar.Na-recover ang slug sang 45 caliber.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply