Tumanduk Indigenous Peoples sa Tapaz, Capiz, temporaryo nga nagbiya sa ila mga pamalay bangud sa presensya sang militar sa ila lugar

TAPAZ, CAPIZ– Temporaryo nga nagbiya sa ila mga pamalay ang mga Tumanduk Indigenous Peoples sang Barangay Lahug, Tapaz, Capiz.

Base sa statement sang Bayan Panay, ang mga Tumanduk ang mapadulong sa town proper bangud sa presensiya sang militar sa ila komunidad.

Sa impormasyon sang Bayan Panay, 60-80 households ang temporaryo nga naghalin sa barangay bangud sa ila kahadlok.

May mga Tumanduk naman nga nagtenir sa mga day care centers sang bag-ong tuig .

Kasunod ini sang natabo nga simultaneous police operations sa Tapaz, Capiz sang Disyembre 30 nga nagresulta sa kamatayon sang 9 ka mga indibidwal.