Iloilo — Yara na sa state of decomposition sang nasapwan ang 23-anyos nga lalaki sa sulod sang iya balay sa isa ka subdivision sa Pavia.

Suno kay Police Major Jojo Tabaloc, hepe sang Pavia Municipal Police Station, nakabaton sila sang tawag las 10:00 kahapon sang aga, Enero 2 nga may yara sang nagapanimaho sa sulod sang isa ka balay.

Ginpahayag ni Tabaloc nga sang nagpadulong ang kapulisan, natukiban nga nag-suicide ang 23-anyos.

Isahanon nga naga-istar sa balay ang 23-anyos bangud separado ang iya ginikanan kag yara sa abroad ang iloy.

Base sa pagpamangkot sang Aksyon Radyo Iloilo sa kasilingan sang lalaki, ulihi siya nakit-an nga naga-lakat lakat sang Disyembre 29, 2020.Padayon ang imbestigasyon sang SOCO.

Nagpangabay naman sa Aksyon Radyo Iloilo ang administration sang subdivision nga indi paghingadlan ang ila subdivision.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply