Iloilo City — May ipatuman nga sequencing sa mga naga-biyahe nga vessels halin Iloilo pa-Guimaras kag vice versa ang Maritime Industry Authority (MARINA) 6 agud mahibaluan ang pagpasunod sa pagbiyahe sang mga sakayan kag malikawan ang pagginutok sang mga tawo sa mga pantalan.

Pahayag ini ni Guimaras Vice Gov. John Edward Gando kasunod sang sinapol nila upod kay MARINA6 Director Jose Venancio Vero bangud sang pag-untat biyahe sang mga wooden hulled pump boats.

Ini ang isa sa mga ginalantaw nga pamaagi sang MARINA6 suno kay Gando agud nga malikawan ang pagdinaguso sang mga pasahero ilabi na kun peak hours halin las 6 tubtob las 9 sa aga kag amo man sa gab-i kun diin madamo sang mga pasahero ang nagatabok sa isla.

Hulaton pa sang Guimaras Provincial Government ang mangin epekto sang advisory sang MARINA6 agud makahimo sang masunod nga tikang.

Magluwas diri ginpahayag man ni Gando nga may dugang pa nga mga vessels nga manug-abot agud mag-cater sang mga pasahero.

Duha ka semana antes matapos ang 2020 naghingyo na ang provincial government sang Guimaras sa MARINA6 kun pwede nga maka-extend sa pagbiyahe ang mga wooden hulled nga sakayan bisan nga expire na ang ila nga Certificate of Public Convenience dugang pa ni Gando.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply