By: Aine Grace Bravo | January 4, 2021

ILOILO CITY – Wala na sang nagaginutok nga mga pasahero sa Lapuz Wharf nga ginadungkaan sang RORO vessels halin sa Guimaras.

Sang Enero 2, 2021, nagdugok ang mga pasahero sa Lapuz Wharf bangud sa pag-untat biyahe sang mga wooden-hulled motorbancas nga nag-expire ang Certificate of Public Convenience sang Disyembre 31, 2020.

Suno kay Maritime Industry Authority (MARINA) 6 Director Jose Venancio Vero, ginpa-untat na biyahe ang tanan nga wooden-hulled motorbancas.

Sa subong, may fiberglass kag steel-hulled vessels nga nagabiyahe Buenavista-Iloilo City and vice versa kag may fiberglass vessels man nga nagabiyahe Jordan-Iloilo City and vice versa.

Magluwas pa ini sa tag-isa ka unit sang Yohan fastcraft nga nagabiyahe sa Buenavista kag Jordan. –via Hotline