ILOILO CITY – 17 lang ka bag-o nga kaso sang COVID-19 ang nadugang sa Western Visayas subong nga adlaw, Enero 5.

Base sa case bulletin No. 284 sang Department of Health 6, tag-lima ka bag-o nga kaso ang na-record sa Iloilo City kag Bacolod City; tatlo sa Capiz; kag tag-duha sa Aklan kag Negros Occidental.

Wala sang bag-o nga kaso sa probinsiya sang Iloilo, Antique kag Guimaras.

Gin-report man sang DOH 6 ang 18 ka bag-o nga recoveries kag tatlo ka bag-o nga nagkalamatay rason nga naglab-ut na sa 20,295 ang kabug-usan nga nag-ayo samtang 658 ang total deaths bangud sa COVID-19.

Sa kabug-usan, 21,743 na ang kaso sa rehiyon 6 sa diin 784 na lang ang active cases, nga mas manubo kumparar kahapon, Enero 4.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply