By: Aine Grace Bravo | January 5, 2020

ILOILO CITY – Padayon nga naganubo ang active cases sang COVID-19 sa Western Visayas.

Base sa case bulletin No. 283 sang Department of Health 6, nadugangan sang 32 ka bag-o nga kaso ang rehiyon kahapon, Enero 4.

Nagpanguna ang Aklan sa may pinakamadamo nga new cases nga may 14; ginsundan sang Iloilo province – 10; Negros Occidental – anum; kag tag-isa sa Capiz kag Iloilo City.

Wala sang bag-o nga kaso sa Antique, Guimaras kag Bacolod City.

Gin-report man sang DOH 6 ang 41 new recoveries kag duha ka bag-o nga nagkalamatay rason nga nagsaka sa 20,277 ang kabug-usan nga nag-ayo samtang 655 ang total deaths bangud sa COVID-19.

Sa kabug-usan may 21,726 na ka kaso ang rehiyon sa diin 788 na lang ang active cases, mas manubo kun ikumparar sa 799 active cases sang Enero 3. –via DOH 6