By: Aine Grace Bravo/Jocelyn Maque | January 5, 2021

OTON, Iloilo –Arestado si Mary Joy Villarina, 30-anyos sang Deca Homes, Brgy. Pandac, Pavia, sa drug buy bust operation sa Brgy. San Antonio, Oton las-dos kaina sang kaagahon, Enero 5.

Sa spot report sang Oton police, nabaklan sang poseur buyer sang isa ka sachet sang suspected shabu sa balor nga P9,000 ang subject.

Na-recover man sa iya ang lima pa ka sachets sang suspected illegal drugs nga ginabanta nagabalor sa P6 tubtob P8 million kag cash nga P11,650 lakip na ang buy bust money kag iban pa nga ebidensya.

Ang operation, gin-conduct sang mga personnel sang Oton MPS, Iloilo Police Provincial Office (IPPO), Provincial Drug Enforcement Unit (PDEU) kag Regional Police Druge Enforcement Unit (RPDEU).

Naka-detain sa Oton Police Station si Villarina. | via Oton MPS