Iloilo PSWDO, may bag-o nga head

By: Aine Grace Bravo/Ariel Solacito | January 5, 2021

ILOILO – Nagpungko na ang bag-o nga head sang Iloilo Provincial Social Welfare and Development Office (PSWDO) nga si Sarah M. Barayuga.

Suno kay Barayuga, “It is still basically an assessment to make sure we meet the demands of our stakeholders such as the municipal offices, at the same time, in line with what the regional office wants us to do.”

Ginapanan-aw niya nga kinahanglan nga i-capacitate ang mga staff kag pasangkaron ang pag-deliver sang Assistance to Individuals in Crisis Situation (AICS).

May pagkinahanglan man nga pabaskugon pa ang paghatag sang technical assistance sa mga LGUs para sa implementasyon sang social welfare programs.

Plano man niya nga sapulon ang mga municipal mayors kag mga municipal social welfare and development officers (MSWDOs) agud i-assess kun ano ang dugang nga assistance nga posible mahatag sang probinsiya.

Ginpasiguro man niya nga pabakuron pa ang mga programa kag proyekto may kaangtanan sa COVID-19 pandemic.

“With COVID-19, we expect high incidence of violence against women and children (VAWC). So I want to see how prepared we are to address that,” dugang pa niya.

Eksperyensiyado bilang social worker kag teacher si Barayuga kag nagtrabaho sa nagkalain-lain nga fields sa social work and development sa nakaligad nga 32 ka tuig, sa government kag private sector.

Nakatrabaho man siya bilang Project Development Officer V sa DSWD Central Office kag Social Welfare Officer III sa DSWD VI Regional Office.

Gintal-usan ni Barayuga si anay PSWDO head Neneth Pador. –via Balita Halin sa Kapitolyo