By: Aine Grace Bravo | January 5, 2021

Aksyon Radyo Iloilo

ILOILO – Malapit tunga sa milyon ka pesos nga balor sang suspected shabu ang nakuha sa subject sang buy bust operation sa Barangay Abaca, San Enrique, Iloilo kagab-i, Enero 4.

Nakuha sa 17-anyos nga si Fritz ang duha ka transparent plastic sang suspected shabu nga ginabanta nagabug-at sang 70 ka gramo kag may estimated market value nga malapit P500,000.

Suno sa team leader sang Regional Police Drug Enforcement Unit Team 3, una nga nag-transaksyon ang solterito sa Banate las-singko kahapon sang hapon, pero nahuman ang transaksyon  sa Abaca, San Enrique sang gab-i na.

Ginpahayag sang team leader nga halin sa Manila ang source sang subject bangud nga preso sa New Bilibid Prison ang iya amay. Dugang sang team leader, naga-operate ang solterito sa Banate, Passi City, Dingle kag Iloilo City.

Gintinguhaan sang Aksyon Radyo nga makuhaan sang pahayag ang soltero, pero nagbalibad siya nga magpa-interview. –via Francisco “Kikik” Enar