Iloilo City — Magasugod bwas, Enero 8, ang 14-day moratorium ukon temporaryo nga pag-untat sa pagbyahe sa mga Locally Stranded Individuals nga papauli sa Iloilo City.

Ini pagkatapos gin-aprubahan sang Regional Inter Agency Task Force 6 ang Resolution Number 001 nahanunod sini.

Magalawig tubtob sa Enero 21 ang moratorium.Base sa ginpadala nga sulat ni mayor Jerry Treñas kay DOH Secretary kag IATF chairperson Franciso Duque III, DILG Sec. Eduardo Año, NTF Against COVID-19 chief Defense Sec. Delfin Lorenzana, kag NTF chair implementer Sec. Carlito Galvez Jr.posible magtaas ang kaso sang COVID-19 bangud sang mga pagtipon-tipon sang holidays rason ginhingyo ang moratorium.

Naghingyo man ang city government sang moratorium para sa mga Returning Overseas Filipinos apang wala pa nakadesisyon ang IATF.Suno sa IATF, ang RIATF ang magadesisyon sa pagpatuman, pag-extend, kag pag-lift sang moratorium sa mga LSIs. | via Aljohn Torreta

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply