World |Kadalag-an ni US President-elect Joe Biden sa Electoral College, gin-affirm sang Congress

By: Aine Grace Bravo | January 7, 2021

USA –Gin-affirm sang Congress ang kadalag-an ni President-elect Joe Biden sa Electoral College kontra kay President Donald Trump.

Natabu ini sa pag-reconvene sang joint session matapos gin-reject sang Senate kag House ang objections nga ibasura ang electoral votes ni Biden sa Pennsylvania kag Georgia.

Ginpamatukan man sang mga Republicans ang electoral votes sa Arizona, Nevada kag Michigan pero napaslawan ang motion antes pa nakalab-ut sa debate.

Sa pagtapos sang joint session, gin-certify sang Congress ang kadalag-an ni Biden (kag sang iya Vice President nga si Kamala Harris) ang nakakuha sang 306 electoral votes, samtang 232 ang nakuha ni Trump.

Kinahanglan ang 270 electoral votes agud magdaug nga presidente.

Antes ang pag-convene sang joint session, nagbalibad si Trump nga mag-concede kag nagresulta sa pagsulong sang iya mga supporters sa Capitol sa tuyo nga mapunggan ang mga mamalidha sa pag-isip sang electoral votes.

Kasunod sang riot, napatay ang babaye nga natiruhan kag tatlo pa nga may medical emergencies. –with reports from CNN