Iloilo City — Target nga ipatuman sa Febuary ang Traffic Discipine Zone sa McArthur Drive, Jaro suno kay PSTMO head Jeck Conlu.

Sa pahayag ni Conlu, sang nagligad pa kuntani nga tuig nilaiI-implementar ang mga bag-o nga pagsulundan sa dalanon sa syudad sang Iloilo ugaling wala madayon bangud sang pandemya.

Pagabuhinan, suno kay Conlu ang mga left turn, U-turn kag istriktuhon ang loading kag unloading areas sa McArthur Drive.

Pagadugangan man suno sa iya ang mga personnel nga iga-deploy sa area.

Magluwas sa McArthur Drive sa Jaro, ginatun-an man nila ang area sang General Luna Street sa City Proper, Luna, La Paz, L98 sa Jaro kag iban pa nga mga area nga masami maka-experience sang traffic.

Suno kay Conlu, natun-an na nila ang mga ginpangrekomendar sang Metropolitan Manila Development Authority (MMDA) para masolbar ang trapiko sa pila ka mga dalanon sa siyudad sang Iloilo.

May 17 ka intersections sa siyudad sang Iloilo nga na-identify ang MMDA nga tuman ka bug-at ang trapiko.Sang Enero 17, 2020, sang gin-implementar sang Task Force Disiplinado ang Traffic Discipline Zone sa Diversion Road, Mandurriao.

By Jo Gelloagan-Maque

Aksyon Radyo-Iloilo is located at Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply