By: Aine Grace Bravo | January 11, 2021

ILOILO CITY – Nagpanguna ang Iloilo City nga may pinakamadamo nga bag-o nga kaso sang COVID-19 sa Western Visayas kahapon, Enero 10.

Base sa Case Bulletin No. 289 sang Department of Health 6, 55 ka bag-o nga kaso ang nadugang sa rehiyon.

Sa 55, 14 ang halin sa Iloilo City; 13 sa Aklan; 11 sa probinsiya sang Iloilo; walo sa Bacolod City; anum sa Negros Occidental; kag tatlo sa Capiz. Wala sang bag-o nga kaso sa Antique kag Guimaras.

Gin-report man sang DOH 6 ang 13 new recoveries kag isa ka bag-o nga napatay.

Bangud sini, ang Western Visayas may 21,931 na kaso lakip ang 729 ka active cases, 20,529 total recoveries kag 667 ka total deaths bangud sa COVID-19. –via DOH 6