By: Aine Grace Bravo | January 11, 2021

GUIMBAL, Iloilo – Isa ang patay, isa ang pilason sang nakabunggo ang motorsiklo sa concrete gutter kag steel railings sa Bagumbayan, Guimbal kahapon, Enero 10.

Gindala pa sa ospital si Jose John Rey Ibañes sang Negros Occidental kag driver sang motorsiklo, apang napatay bangud sang pilas sa ulo. Lipong naman nga gindala sa ospital ang backrider nga si Ivan Cago sang Tigbauan, Iloilo.

Sa imbestigasyon sang Guimbal police, paliko ang motorsiklo sa kurbadahon nga karsada, pero wala ma-kontrol sang driver ang manibela rason nagdiretso ang motorsiklo sa concrete gutter kag steel railings. –via Francisco “Kikik” Enar