Ginabanta P500,000 nga balor sang suspected shabu, nakuha sa 3 ex-convicts nga nadakpan sa buy bust operation sa Arevalo, Iloilo City

By: Aine Grace Bravo | January 11, 2021

ILOILO CITY – Tatlo ka ex-convicts ang arestado kag ginabanta sa P500,000 nga balor sang suspected shabu ang nakumpiskar sa buy bust operation sa Brgy. Sto. Niño Sur, Arevalo la-1:05 kahapon sang hapon, Enero 10.

Ginkilala ang mga nadakpan kanday Ace Dale Segura, 34-anyos sang North Avanceña, Molo; Jhone Pedilla, 28-anyos sang Boulevard, Molo kag Efren Tugado, 46-anyos sang Sto. Niño Sur, Arevalo.

Suno sa Team Leader sang Regional Police Drug Enforcement Unit-Team 3, ang tatlo ginakabig nga high value individuals.

Si Segura ang nadakpan man sang 2017 sa drug buy bust operation pero nahilway sang 2018 bangud sa plea bargaining agreement.

Si Pedilla ang nadakpan sang 2015 may kaangtaan man sa illegal drugs kag nakaguwa sang Hunyo 2, 2021 bangud sa plea bargaining.

Samtang si Tugado ang nakaagi preso sa New Bilibid Prison sa Muntinlupa sa kaso nga homicide kag illegal possession of firearms kag tatlo ka tuig pa lang nga nahilway bangud parolado. –via Jorge Cabrera